Aqua Draconis, Aqua faetida, fundamentum artis, parens Leonis viridis & fumi albi, &omnium metallorum mater aqua ex cujus faetore Flamellus se artem invenisse novit, aqua quam Pegasus ex Parnasso ungula sua percusso elicuit, quam Nonacris Arcadiae mons ex jugis emittit e saxo prorumpentem, quae in sola ungula caballina servari potest ob vim ejus fortissimam. haec est aqua Draconis ut Rosarius eam nominat, quae debet fieri per Alembicum sine omni alia re addita in qua facienda est maximus faetor Maier embl. p. 109, 110 autem de Dracone purgato ipsum ter elevando et revivificando, estque aqua mercurii sive sanguis in quo solo solvuntur corpora. In eo solvitur amalgama corpus et spiritus, cinabrium (i. e. et ) et quicquid est de natura ejus. Rosar p. 145. Hic est argentum vivum extractum a corporibus habens in se corpus animam et spiritum, Draco qui non moritur absque fratre et sorore seu sole et Luna. seu sulphure extracto habente humiditatem & frigiditatem Lunae cum illis Draco moritur i. e. argentum vivum ab iisdem, corporibus extractum [illeg.]a primordio quae est aqua permanens Philosophorum quae fit post putrefactionem et separationem elementorum et omnia necessaria in se continet & alio nomine aqua faetida dicitur Rosar p 157. Est omnium metallorum mater ex qua et cum qua et per quam Philosophi lapidem praeparant in principio et fine (Maier Embl p. 109. 110. Rosar p 151 l 35) ideoque idem cum igne tertio Artefii, Beia, Isis, Venus, vel potius cum spiritu albo.