Altitudo profunditas & latitudo, volatile fixum et media natura, spiritus, corpus et anima. Bloomfeild p. 306, 309, 316, 317. Et Edw. Gen p 3 collat cum Norton p 59. Avicenna in Artis Aurif. v 1. p. 267, 268, accipit frigidum et humidum elementum i. e. aquam Mercurialem pro lapidis altitudine, calidum et siccum i. e. Elixir completum fixissimum pro ejus profunditate, & extremorum qualitates mixtas, ut frigidum et siccum i. e. terram nigram putrefactam pro ejusdem latitudine. sic et Philaletha nigredinem vocat latitudinem borealem ex altitudine et profunditate seu volatili et fixo compositam. Philal in Ripl. port. p. 196, 209, 210, 329, 338. [illeg.]Latitudo utique in globo locum medium obtinet inter altitudinem et profunditatem. Sumitur et altitudo montis pro maturitatis metallj perinde ac si montes metallorum a materia prima ceu radicis profunditate in altum crescendo assurgerent. Philal. in Fonte Chem. Philoso. p. 94. [illeg.] Per montium radices intelliguntur etiam mineralia et metalla vulgi et res fixae et cucurbitae & per summitates et cacumina montium intelliguntur metalla sublimata et alembica. Philal in Fonte Chem. Philos. p 96, 97. Trevisan in Th. Ch. v. 1. p. 704 l. ult. Rosinus ad Eut. p. 163. Unde ascendere in montem est sublimare Philal ib. Flam mel. annot. in v. 1 Th. Ch. p. 749. Considerantur etiam hae dimensiones in Rota Philosophica. Incipit decoctio in Rotae latitudine ad occidentem (seu latere occidentali) in autumno, pergitque per ejus profunditatem borealem in hjeme, perque latitudinem orientalem (seu latus orientale) in vere ad altitudinem meridionalem in aestate. Ripl port p 186, 187, 188, 137, 138. Clangor Buccinae ponit altitudinem pro manifesto, profunditate pro occulto, & latitudinem pro medio participante. Et inde dicit quod corpus in sua altitudine sit terreum, frigidum et siccum, nigrum [illeg.] acidum, faetidum & melancholicum; in sua profonditate aereum, calidum et humidum, citrinum dulcem odoriferum & sanguineum; ex uno latere aqueum, frigidum et humidum, album insipidum redolens & flegmaticum & ex altero latere igneum, calidum et siccum, rubeum amarum acutum & cholericum. Clangor p. 291.