Jupiter Philosophorum

Jupiter Philosophorum, qui a juvando dictus est ac de quo tot fabulae introductae sunt, non est Jupiter vulgi sed subjectum philosophicum, ex quo omnis tinctura petenda est, materia philosophica quae in Aquilae forma Ganimedem in Caelum evexit, quae in aurum mutata Danaae in gremium decidit, quae sub forma Cygni albi Laedam compressit, etc. Nisi enim ad volatum sit idonea aut ad lapsum suo pondere apta materia, non est Jovis nomine digna cum ne minimum juvare possit Artificem sed plurimum morari. Maier de Mont. Plan. p. 104, 109. Est Mercurius noster quia ille aereus est et plus imperii obtinet: Camelus noster albus qui septimus est in numero et in quo Planetae omnes conjuncti sunt simul; quia Mercurius noster adhaeret corporibus. Maier. Sept. Philos. p. 79, 80. Hujus Jovis [i.e. albedinis] pater est nigredo, Saturnus veritatis index qui lapidem pro Jove devorat. Nigredo enim id est fusca nubes lapidem [hunc] tegit primo ne videri possit. Inde Morienus: Omne corpus cum anima caruerit tenebrosum et obscurum reperitur. Hic lapis iterum evomitur cum albescit atque tunc in Heliconis apice statuitur. Unde Democritus: Mundifica stannum cum praecipua ablutione. Extrahe ab eo nigredinem et apparebit ejus candor. Maier Embl. 12. Marrow of Alk. part. 1. pag. 39. Nam Saturnus est Aqua fortis & vorans liberos suos [ id est vel in dissolutione genitos Maier Hierogl. p. 102 ] at lapidem pro Jove revomens, acetum illud acerrimum quod facit aurum merum spiritum Maier Sept. Philos. p. 88. Lapidem autem evomit per pharmacum quod Metis uxor ipsi dedit Maier de volucri arbor. p. 136. Nam corpus immundum est plumbum vel Adrop, mundum vero stannum Morien p. 35 Hogheland p. 148 Hic Jupiter Saturnum patrem removet de imperio ubi post nigredinem adducit albedinem Jovialem (Hierogl. p. 108) ac tunc dicitur plumbum album, &, Jupiter imperium adeptus (Philal Metallor. Metamorph. p. 49. Fons. Chem. Philos. p. 107. Arcan. Hermet. p. 37, 45, 56) et Abrahanus nobilissimus Marrow of Alk. part. 2. pag. 40. Ex aere philosophorum faciendum est plumbum [nigrum] ex plumbo stannum quod a Gebro vocatur plumbum album, qui docet qua ratione Saturnus per lotionem cum Mercurio migret in Jovem. Nam Mercurius clarus currens si rite praeparetur Saturni naevos emendat & in solium Jovis evehit. In summis montibus, etiam aestate nonnumquam, nives observantur & nubes saepissime quibus tanquam vapore & aqua plumbum nigrum abluitur & in candorem vertitur. Saturnus igitur est prima porta arcanorum. Huic succedit Jupiter qui patrem de regno deturbavit & eviravit. Ex membro virili [sulphure de nigredine extracto &] in mare projecto, nata est Venus faeminarum pulcherrima. Ex Jove qui est plumbum candidum praeparatum [aurum in terra alba seminandum], Planetae reliqui Mars ex Junone Mercurius ex Maia Diana et Apollo ex Latona per coctionem solam in lucem prodeunt. Maier. Embl. 22. Jupiter ex Latona [ materiae pars alba ex parte nigra] Dianam et Apollinem genuit et Latona est ex Sole et Luna compositum corpus imperfectum, faemina fusca et subnigra quae per dealbationem fit plumbum album. Maier. Sept. Philos p. 172. Eadem est Juno, Martis Mater, natura metallica, faemina nigra seu formosa, veste atra induta. Philal in Ripl. port. 1. pag 98. In ortu Dianae Philosophicae Saturnus obstetricis munus obit, in Apollinis Diana [quia Saturnus Dianam ut Diana Apollinem praecedit & introducit.] Maier Sept. Philos p. 90. Et Latona postquam Apollinem ac Dianam peperit in fontem mutata est in quo filii gaudent se lavare. Maier Sept. Philos. p. 53. Porro Jupiter ab aquila (i. e. spiritu albo) portatur & in forma Aquilae Ganymedem rapuit id est Avis plumata implumem. Nam spiritus albus est Philosophorum Aquila Maier Sept. Philos. p. 172 Alphonsus de Lap. Philos. p. 14. Vide Aquilam et Ganimedem.