Calais et Zetae Boreae filii alati, hic albis capillis, illae rubris, Argonautas ad Colchos secuti sunt ad vellus aureum reportandum, et in ea expeditione, cum a Phineo rege caeco humaniter excepti essent Harpias volatiles vultu virgineo manibus uncis praeditas quae regnum ejus infestabant cibumque et mensam turpissime foedabant prosequi constituunt, cumque eas sagittis suis in plotas usque insulas fugassent ab iride admoniti sunt ut ne Jovis canes ulterius prosequerentur. Inde itaque reversi duas illas insulas in quibus Harpyas reliquerant a conversione sua Strophidas appellarunt, cum antea Plotae dicerentur. Phineas verò sic liberatus, Argonautis viam omnem ostendit. Calais et Zete sunt spiritus albus & rubeus. Phineas est terra nigra residua et Harpyae sunt sordes per ablutionem fugandae. Maier. Embl. p. 3, 5 & Hierogl. p. 71.